މިމުބާރާތަކީ ށ. މިލަންދޫ ކައުންސިލުގެ އިދާރާއިން އިންތިޒާމްކޮށްގެން "ށ.މިލަންދޫ ކައުންސިލް މަދަހަ މުބާރާތް 1447" ގެ ނަމުގައި މިލަންދޫގެ ރައްޔިތުންނަށް ހުޅުވާލައިގެން ބާއްވާ މަދަހަ ކިޔުމުގެ މުބާރާތެކެވެ. އެގޮތުން މި މުބާރާތް ރާވާ ހިންގާނީ މި މުބާރާތުގެ ހިންގާ ގަވާއިދުގެ ދަށުން އެކަލަވާލެވޭ ލަފާދޭ ކޮމިޓީގެ އިރުޝާދާއި އެއްގޮތަށް މިލަންދޫ ކައުންސިލް ރިކްރިއެސަން ކްލަބުންނެވެ.
އަދި މިމުބާރާތަކީ މިލަންދޫގެ ކުދި ބޮޑު އެންމެހައި ރައްޔިތުންގެ ހިތްތަކުގައި މަދަހަ ކިޔުމުގެ ފަންނުވެރިކަން އިތުރުކުރުމަށާއި އަމިއްލަ ދިވެހިވަންތަ ރާގާއި ޅެމުގެ އުފެއްދުންތެރިކަން އިތުރުކުރުރުމަށާއި އަދި މުޖުތަމައުތެރޭގައި ދިވެހި އިސްލާމީ ރިވެތި ސިފަތައް އަށަގަންނުވަން ހިތްވަރު ދިނުމުގެ އިތުރުން މިލަންދޫ ކައުންސިލާއި ރައްޔިތުންނާއި އޮންނަ ގުޅުން ބަދަހިކޮށް އެކުވެރި މާހައުލެއް ޤާއިމްކުރުމުގެ މަގުޞަދުގައި ބާއްވާ މުބާރާތެކެވެ.
